عفراء علوي محمدي- كود//

توفى حنفي أبو الرمان، مدير سبيطار الشيخ داوود الأنطاكي، لبارح الأحد، بعدما تدهورات الحالة ديالو الصحية جراء إصابتو بكورونا.

وصدرات المديرية الجهوية للصحة بجهة مراكش آسفي بلاغ كتعزي فيه عائلة المتوفى اللي كان ناعش فقسم الإنعاش.

وماشي بزاف هذي باش تقاص المدير بالفيروس، هو والمدير السابق والمقتصد السابق ديال السبيطار اللي مازال كيتلقاو العلاج.

وغير هذي أيام قليلة، توفى عبد الغني بلحرشا، وهو فرملي وحارس عام خدام فسبيطار ابن زهر فمراكش، بسبب الفيروس.