الرئيسية > آش واقع > كورونا خرج على قائد اركان الجيش الصبليوني. دار الڤاكسان وقدم استقالتو حقاش ما وصلش دورو
23/01/2021 19:30 آش واقع

كورونا خرج على قائد اركان الجيش الصبليوني. دار الڤاكسان وقدم استقالتو حقاش ما وصلش دورو

كورونا خرج على قائد اركان الجيش الصبليوني. دار الڤاكسان وقدم استقالتو حقاش ما وصلش دورو

كريم الشركي-كود///

رئيس اركان الجيش الاسباني الجنرال ميغيل انخيل بيلارويا، قدم استقالتو هاد النهار السبت من منصبو، بعد البوليميك لي وقع على مسؤولين اسبان دارو لقاح كورونا واخا هوما ماشي من الناس لي عندهوم الاولوية يديرو اللقاح.

وكانت السلطات الاسبانية حددات العاملين فدور العجزة، والمسنين، والاطر الطبية فقط لي غاياخذو اللقاح اولا، لكن العديد من المسؤولين بينهم جنرالات تلقحوا وهادشي خلا الاسبان يغضبوا، ويعتابرو ان هادو ستاغلوا مناصبهم باش ياخذو اللقاح.

الجنرال طلب من وزيرة الدفاع تقيلوا من منصبو، باش تبقى صورة الجيش نقية، وقال أنه ماكنش كينوي يحصل على امتيازات غير مبررة بتاتا.

وزيرة الدفاع الاسبانية، قبلات استقالة رئيس الاركان، في حين تمت اقالة عدد من المسؤولين الاسبان بسباب هاد البوليميك.

موضوعات أخرى

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة