عفراء علوي محمدي- كود//

أشادت وزارة الفلاحة والصيد البحري والتنمية القروية والمياه والغابات، بالمجهودات اللي كيديرو الفلاحين والفاعلين فالقطاع الفلاحي، بحيت مستمرين فنشاطهم باش يحافظو على الإنتاج بطريقة منتظمة، وفنفس الوقت ملتزمين بالمعايير الوقائية والتدابير الصحية المفروضة من طرف الدولة.

وأكدات الوزارة، فبلاغ ليها اليوم الأربعاء، بللي الفلاحين والعاملين فالقطاع الغذائي والتمويين كايديرو كل ما فجهدهم باش يزودو السوق الوطنية بالمنتوجات الفلاحية والسمك، وهذشي خدمة لتوازن السوق ولحماية للمستهلك.

وقالت بللي الفلاحة محافظين على شروط السلامة والوقاية، ومتاخذين جميع التدابير، خصوصا فالوحدات الصناعية الغذائية، ومخازن التبريد، ووحدات التوضيب والتحويل، والمنصات اللوجيستيكية، للحفاظ على الصحة الفردية والجماعية.