كود – وكالات//
المتخلفين ماخطاو حتى بلاصة، تابعين حتى كورتني كارداشيان وصاحبها ترافيس باركر، الموسيقي ونجم تلفزيون الواقع، اللي حط مؤخرا تصاور مثيرة ديال قصة الحب اللي كيعيشوها فحسابو على “أنستكَرام”، الشي اللي خلا بزاف يسبوهم ويشتموهم، ويعيبو عليهم حيت زعما كبرو على هذشي.
وحط ترافيس، صاحب خت كيم كارداشيان الكبيرة، صور ومقاطع فيديوهات حميمية من عيد ميلادها اللي كان ف19 أبريل، واللي كملات فيه 42 عام (وهو فعمرو 45)، وفوحدة كيبانو رجليها عريانين، وفأخرى كيبانو فيها كيتباوسو، وعاد فيديو مثير آخر.
واعتبرو بعض المعلقين، ان هاد الصور مقززة ومافيها ما يتشاف، وان الكوبل كيعيشو ازمة الرجوع للصغر واخا كبرو فالسن.
وكان سبق لاشاعات خرجات، فنهاية العام الماضي، على علاقة كورتني كارداشيان مع باركر، لكن ما علن عليها الكوبل حتى لهاد العام.
