الرئيسية > آراء > “كود” كتقاطع امين عام البام وهبي. كذب علينا فقضية الناصري ووظفنا باش يزايد على الدولة
21/11/2020 08:00 آراء

“كود” كتقاطع امين عام البام وهبي. كذب علينا فقضية الناصري ووظفنا باش يزايد على الدولة

“كود” كتقاطع امين عام البام وهبي. كذب علينا فقضية الناصري ووظفنا باش يزايد على الدولة

كود الرباط ///

عبد اللطيف وهبي الامين العام لحزب الاصالة والمعاصرة ما صدقتش. اتصل ب”كود” وقال باللي قضية برلماني الحزب ورئيس الوداد البيضاوي سعيد الناصري اللي مداعي فقضية عادية مع صحافيين ف”شوف تيفي”٬ غادية تعرف تصعيد سياسي.

قال فتصريح ل”كود” بلا ما نشيرو لاسمو باللي فريق البام فمجلس النواب غادي يقاطع الجلسات تضامنا مع الناصري. المصادر الموثوقة اللي شرنا ليها فمقال “كود” اللي ها رابطو٬ هو الامين العام

طبعا هاد الشي ما كانش. قيادي فالحزب كان اتصل ب”كود” واكد باللي لكلام اللي خرجناه على مقاطعة جلسات مجلس النواب غير كذوب ولكن ما كانش غير كذوب كان توظيف ل”كود” فالمزايدة على الدولة. الدليل ان المكتب السياسي للحزب ما هدروش عليه والعضو فالمكتب قال ل”كود” البارح “واش حنا ما عندنا عقل نعطلو مؤسسة دستورية على جوج مضاربين. هو بصفتو رئيس الوداد ماشي حتى الحزبية”

 

وهبي قال البارح ل”كود” بلي “تم سحب نقطة ديال الصراع بين سعيد الناصري رئيس فريق الوداد البيضاوي مع مصوري قناة شوف يتي، من برنامج المكتب السياسي، بعدما توصلنا بمعلومات حول وجود محاولات للصلح.

وتابع وهبي :”وبناء على نقاش مع قيادات الحزب في الدار البيضاء، قررنا تأجيل النظر في الموضوع، حيث من المتوقع أن تشهد الايام المقبلة مستجدات”.

وأكد وهبي ل”كود” أنه فعلا تراجع عن ادراج نقطة الصراع بين الناصري ومصوري شوف تيڤي.

بان باللي وهبي اللي سبق ودخل مايسة الناجي فقضية ترشيحها وهي ما فخبارهاش.

دابا “كود” ما تبقاش من اليوم السبت 20 نونبر 2020 تتعامل مع واحد كيستغل جورنال لحساباتو السياسية ما ناخدو الا المواقف المعلنة ديال حزبو وهو نضربو عليه

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة