عن الوكالات ///

كلشي ضد ترامب. حتى وسائل التواصل الاجتماعي ناضو ليه. تويتر وفايسبوك بجوجهم سدو ليه حسابو. الاول ل12 ساعة والثاني ل24 ساعة. بجوجهم هددوه بالاغلاق النهائي وبررو هاد الشي ب”انتهاك قواعد الاستخدام” على داك الشي اللي وقع فالكابيطول.

هاد الشي ما عمر تويتر دارتو مع حساب رئيس امريكي سالات مهمتو. قالو ليه ايلى عاودتيها وزدتي تنتهكتي “قواعد الاستخدام المتعلقة بالنزاهة المدنية في إجراءات غير مسبوقة” فغاديين نسدو هاد لحساب ديالك.

تويتر رسميا قال باللي “نتيجة للوضع العنيف غير المسبوق والمستمر في العاصمة واشنطن، فقد طلبنا من دونالد ترامب إزالة ثلاث تغريدات نشرت في وقت سابق اليوم بسبب الانتهاكات المتكررة والخطيرة لسياسة النزاهة المدنية”، محذرا من أنّه “إذا لم تتم إزالة التغريدات، فسيظل الحساب مغلقا”.

فايسبوك حتى هو دار بحال تويتر وكتب “لقد وجدنا انتهاكين لقواعدنا على صفحة الرئيس دونالد ترامب نجم عنهما تعليق حسابه لمدة 24 ساعة، مما يعني أنه فقد القدرة على النشر على المنصة خلال هذه الفترة”.

حتى يوتوب ناضت ليه. هاد الشركة التابعة لـ”گوگل” قالت باللي فيديو للرئيس ينتهك “سياستها. فهاد الفيديو قال ترامب باللي وقع “تلاعب واسع النطاق أو أخطاء قد غيرت نتيجة الانتخابات الأمريكية لعام 2020”.