وكالات //

الكلب “واسابي Wasabi” من لاراص ديال بيكينيز (Pekingese / Pékinois) اللي عندو وجه كحل وقهوي ربح اللقب في أقدم مسابقة رياضية ميريكانية كايتنافسو فيها الكلاب.

“واسابي” قدر يربح من بين 2500 كلب اللي شاركو في العرض و اللي من أنواع مختلفة.

الكلب عندو 3 سنين واحتافل بالرباح ديالو وكلا ستيك ديال الحوت.

المسابقة سميتها “Westminster Kennel Club Dog Show”، كانت بدات فـ عام 1877، و وصلات دبا للدورة 145، وكايشارك فيها أكثر من 200 سلالة.