نجوى المالحي – كود //
بزاف ديال الفنانين ما بقاش عاجبهم هادشي لي واقع في مواقع التواصل الاجتماعي، خصوصا في أنستگرام لي تحول مؤخرا لسويقة كبيرة كيضاربو فيها الناس.
كريمة غيث من الفنانات لي تفرگعو على هادشي لي واقع، وكتبت عبر ستوري فحسابها أنستگرام رأيها وانتقدات هاد الواقع.
كريمة غيث كتبات: “الناس في ميريكان مقابلين المركبات لي طالعين للفضاء والإعلام في المغرب كيحاول يقنع أنه رجل أصم كيحاول يقنع راجل أطرش بأن رجل أعمى شاف رجل مشلول كيمشي”.
وانتشرت على انستكَرام هاد الايام، فيديوهات فيهم مضاربات وتحديات بين ناس، بحال داك هشام الملولي لي ولا بين ليلة وضحاها معروف في مواقع التواصل، وبزاف ديال المغاربة والمشاهير اعتابروه تافه ومايستاهلش يتهضر عليه ويتشهر.
