كود فاس ///

قال مصدر من وزارة الصحة ل”كود” ان هناك توجه جديد للتعامل مع الحالات المرتفعة كل يوم. ولينا كنسجلو الف وكثر فالنهار. هاد التعامل يشرحه مصدر “كود” بكون وزارة الصحة غادية توقف عمليات اجراء التحاليل فالمصانع والمعامل.

التحاليل غادية تشمل مستقبل وفق مصدر “كود”٬ الا للمسنين واللي عندهم امراض مزمنة.

الدولة دارت خطأ فاللول باش كانت اللي فيه كورونا فيروس تديه باش ما يخالطش ناس خراين ويعاديهم. كانت تفرض على كل حامل ليه يبقى فدارو وما يخالط لفترة كيف دارت الدول الاوربية وغيرها. اللي خاصو يمشي للصبيطار هما الحالات اللي خاصها علاج ومراقبة طبية بحال صحاب التنفس الصناعي.

مصدر “كود” اكد باللي خاص المواطن ياخد الاحتياطات ديالو.

حسب شهادات جابتها “كود” من بعض المصابين بالفيروس فهاد الشي بدا هادي اسبوعين فالمغرب “كانت في كورونا. باش دارو التحليلة ولقاوها ايجابية طلبو مني نبقى فداري. بقيت وتبعت العلاج حتى عاودوها لي وبعد ثلاثة اسابيع وطلعات ايجابية” يوضح المصاب من الرباط.