نجوى المالحي – كود //
اختارت المغنية دنيا باطمة تلتجأ لعالم اليوتوب باش دخل منو شوية ديال الفلوس، خصوصا أنها دابا كثر من عام غير كتخرج كتخسر بلا ما تدخل، وهادشي راجع بالدرجة الأولى لتورطها في قضية “حمزة مون بيبي”، والحكم عليها بالحبس، وايضا لجايحة كورونا.
دنيا دارت ستوري على حسابها في انستكَرام سولات فيه المتتبعين ديالها واش يبغيو يشوفو يومياتها في فيديوهات تحطهم عبر قناتها على يوتوب، وخلات للمتتبعين حرية الجواب.
باطمة بغات تحيي حتى العلاقة ديالها مع فيسبوك، وقالت أنها كتفكر تعاود تفتح حساب فيه، وسولات المتتبعين ديالها على الفكرة كيف جاتهم.