19/04/2024 05:00
غضب ضد المغني جوزيف عطية بسباب التصريح ديالو على مانكان صورات معاه فيديو كليب
كود كازا ///
علمت “كود” ان شي كلينيكات قدمات لمندوبية وزارة الصحة فكازا كلينيكاتها كاملة باش تخدم فيها مع اللي فيهم “كورونا فيروس”. وفق مصدر “كود” فهاد صحاب لكلينيكات قدموها فابور. دابا وفق مصدر “كود” بدات مع كلبينيك “فانسي” اللي عمر بالناس المصابين ودازو لكلينيك “انوال”. كاين كلينيكات اخرى قدماتها فابور بحال الياسمين وشي ثلاثة اخراين. وكاينين حتى شي مختبرات دارت نفس التصرف ودارتها تحت تصرف الدولة وبعض الاطباء فالقطاع الخاص دارو خدمة مزيانة فالتوعية.
وكاين كلينيكان قبلات تخدم مع وزارة الصحة ولكن رفضات المجانية وفق مصدر ل”كود”.
فكازا هاد لكلينيكات بينو على وطنية ولكن كاينين كلينيكات مصو دم لمغاربة وما بانوش فهاد الوقت. ماشي كلشي اللي سبق مص دم لمغاربة٬ غير هو كاين فئة منهم.
صورة لكينيكات كانت ديما خايبة عند البيضاوة. تصرفات شي كلينيكات اللي عطاتها للدولة غادية تحسن شوية الصورة اما شي وحدين فمشاو جابو شي صحافيين باش يسوقو ليهم صورة ماشي ديالهم.
ماشي غير لكلينكات اللي طلعو مزيانين كانين حتى شي اوطيلات. دابا موگادور ديال مجموعة الشعبي فشارع الجيش الملكي فكازا عطاه فابور. دابا خصص 165 غرفة اللي فيه احتمال كورونا فيروس او كيتسنى النتيجة و50 غرفة لناس وزارة الصحة
