الرئيسية > آش واقع > كاين اللي اعتبرو انتصار لحقوق المرأة. قانون جديد كيجرم التعدد دون موافقة الزوجة الأولى فمصر
26/02/2021 18:30 آش واقع

كاين اللي اعتبرو انتصار لحقوق المرأة. قانون جديد كيجرم التعدد دون موافقة الزوجة الأولى فمصر

كاين اللي اعتبرو انتصار لحقوق المرأة. قانون جديد كيجرم التعدد دون موافقة الزوجة الأولى فمصر

كود – وكالات//

اللجنة التشريعية فمجلس النواب المصري كتوجد فالأيام الجاية لمناقشة مشروع قانون مقدم من الحكومة حول تنظيم الأحوال الشخصية، واللي كينص على الزوج اللي كيتزوج للمرة الثانية دون إخبار الزوجة الأولى.

والمادة 58 من مشروع القانون كتقول أن الزوج خاصو يبين فوثيقة الزواج بالحالة ديالو الاجتماعية، وإلى كان متزوج خاصو يدلي باسم الزوجة او الزوجات اللي “فالعصمة ديالو” وفين مسكنهم او فين كيسكنو، والموثق خاصو يبلغهم بالزواج الجديد بكتاب مسجل مقرون بعلم الوصول.

ومشروع فالقانون الجديد حدد عقوبة واضحة للزوج اللي تزوج بلا مايعلم مراتو، بحيث غيتعاقب بالحبس لمدة ماكتجاوزش عام وغرامة مالية كتبدا من 20 ألف جنيه وكتوصل ل50 ألف جنيه، كيف كيتعاقب المأذون المختص فحال عدم التزامو بالقانون الجديد، إلى ماعلمش الزوجة اللولة بالزواج الثاني.

والمادة كتعطي للزوجة حق طلب الطلاق إلى تضررات فهذه الحالة، كيف كيحق للزوجة الجديدة طلب الطلاق إلى ماعلمهاش الزوج بزواجو اللول، ولكن كيسقط حق الزوجة فطلب الطلاق بعد عام من علمها بالزواج بأخرى، حيت كيتعتبر هذشي اعتراف منها بالرضا عن الزواج الثاني.

هذ القانون الجديد دار الصداع بزاف، فمواقع التواصل الاجتماعي، وقسم المجتمع المصري لنصفين، منهم اللي رفض هذ القانون، على اعتبار أنه “غيضسر العيالات وغيكثر نسب العنوسة والطلاق”، فيحين أن مجموعة من الناس اعتبرو هذشي إيجابي، وكيحفظ حقوق المرأة.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة