وكالات-كود//

أستراليا بدات في تطبيق تقنية فريدة من نوعها باش تعرف المخالفات المرورية واخا تكون وسط تلطونوبيل وهادشي بالاعتماد على الذكاء الاصطناعي.

موقع “إنگادجيت” التقني المتخصص قال أن أستراليا بدات في طرح كاميرات بالذكاء الصناعي باش تحدد مواقع السائقين لي شادين تلفوناتهم وسط الطونوبيلات وهوما صايكَين.

هاد التقنية اعتامداتها الحكومة الأسترالية باش تقلل من عدد الحوادث المميتة والقاتلة، مشيرة أنها غادي تمنع نحو 100 حادث مميت وخطير فغضون 5 سنوات.

وطمأنت السلطات بأن الكاميرات كتحترم الخصوصية وغير مخصصة للبحث في الوجوه، وكتخدم فقط باش تعرف المخالفات المرورية من داخل السيارات فمايخص الهواتف.