كود سبور – وكالات //

قرر المدرب وحيد خليلوزيتش يعطي اليوم (20 يناير 2022) راحة لأسود الأطلس، قبل مايرجعو للتداريب غد الجمعة استعدادا للماتش ديال الدوزيام تور من كاس إفريقيا – الكاميرون 2022.

وجا هاد القرار بعدما بان لوحيد بللي اللعابة محتاجين شوية روپو من بعد العيا و الستريس ديال الدور اللول من هاد الكان. زيادة على أن المنتخب الوطني المغربي عندو وقت كافي باش يوجد طرونكيل لماتش ثمن النهاية اللي غايكون نهار الثلاثاء الجاي فالعاصمة الكاميرونية ياوندي.

وهادي مناسبة للأسود باش يرتاحو ويهرسو الروتين ديال التداريب اليومية والمنافسة فهاد الكان اللي كتلعب فظروف تنظيمية صعيبة وأخرى مرتبطة بانتشار وباء كورونا.

وتأهل المنتخب الوطني لثمن نهاية كاس إفريقيا بعدما خدا الصف اللول فالكَروب ديالو بـ7 دالنقط من جوج انتصارات و تعادل.