كود – عن و.م.ع//

قال مصدر من شركة  “RATP Dev Casablanca” أن الحركة على مستوى الشبكة ديال الطرامواي فكازا “مضطربة بزاف” بسباب الشتا الكثيرة اللي طاحت هاد ليامات.

وقال مسؤول من الشركة لوكالة المغرب العربي للأنباء أن ” مع هاد الشتا الكثيرة فكازا ولاّت الحركة على مستوى الخط 1 و الخط 2 ديال الطرام فيها مشاكل كبيرة”.

و زاد أكد أنه “لحد الساعة صعيب نعرفو فوقاش غادي ترجع الحركة لطبيعتها، بسباب أن الأمر مرتابط بتصريف مياه الأمطار اللي طاحت و أيضا على حساب أحوال الطقس من بعد”.

و كانت مدينة كازا عرفت نزول أمطار غزيرة فهاد 48 ساعة الفايتة، الشي لي روّن الحركة العادية ديال الطراموي وتسبب فخسائر مادية في عدد من الممتلكات الخاصة و العامة.

وكانت شركة “ليدك Lydec” ، قد أعلنت ، في بلاغ لها، عن تعبئة مواردها البشرية ووسائها المادية من أجل الحد من تأثير الأمطار الغزيرة التي تشهدها العاصمة الاقتصادية.