علي الصافي العيون ////
قدم سيدي ابراهيم خيي وكيل لائحة التجمع الوطني للاحرار للانتخابات التشريعية ببوجدور البارح الاثنين 30 غشت شكاية الى رئيس اللجنة الاقليمية لتتبع الانتخابات طالب من خلالها تمكينه من “التوضيحات اللازمة عن كيفية وصول مستخرج من اللوائح الانتخابية برسم حصر 30 يوليوز 2021 ويعمل معطيات تعريفية مفصلة اكثر عن الناخبين” بحال رقم التعريف الوطني والرقم الترتيبي في الانتخابات”
الوكيل قال ان هذه المعطيات اللي كتكون غير عند السلطات٬ وصلات عند هيئات سياسية” وفق الوثيقة اللي شافتها “كود” وعندها نسخة منها فكاين كلشي على المصوتين. هاد الوثيقة من المفروض تكون فمكاتب التصويت نهار 8 شتنبر اللي جاي.
وحسب تصريخ خيي ل”كود” فان كاينة مشكلة اخرى وهي ان اللوائح لحد الان مازال ما تحصراتش فبوجدور٬ واضاف ل”كود” “باش طلبنا منهم مدنا باللوائح قالو لينا نعطيوها ليهم 48 ساعة قبل الانتخابات.
دابا كاينين لوائح عامة اللي كيقدر يحصل عليها اي مرشح وكاين لوائح مفصلة ديال السلطات اللي لقاوها عند مرشحين. كما اكد ان هاد الوضع خلى الشائعات كتروج باللي مازال ما حصروش اللوائح. واعتبر ان ما يقع فبوجدور “حالة شاذة فالبلاد كلها” ثم اضاف “بغينا اللوائح كاملة وما يتزاد عليها حتى شي حاجة”. واعاد التأكيد “هاه اللي كنعيشوه هنا ما كاينش فشي دائرة انتخابية فالمغرب”
واتهم مرشح ثالث ل”كود” “جهات رسمية” بتسريب هاد اللائحة
فهاد الدائرة كاين سبيسيال رجل حزب الاستقلال القوي. سبيسيال او عبد العزيز ابا اللي دار لائحة كلها غير عائلتو.
دابا كاينة حرب كبيرة: واش ممكن يزعزعو عرش ال الرشيد فجهات الصحراء؟ هاد العرش يعد فيه “ابا” اكبر دعامة ليه فبوجدور
