وكالات -كود//

الحارس الشخصي ديال مايكل جاكسون لي خدم معاه 10 سنين قرر يخرج ويدافع على الإشاعات والاتهامات لي خارجين على نجم البوب في قضية اغتصاب الأطفال بعد الفيلم الوثائقي “ليفينگ نيفرلاند”.

مات فيدز قال انه كيعرف حقيقة مايكل مزيان وهاد الهضرة ديال الاغتصاب كاملة غير كذوب وممنها والو، وأنه قرر يسكت هاد المدة كاملة باش يحافظ على خصوصية الراحل لي كان وباقي نجم كبير وعالمي.

وأكد مات أن بزاف ديال الصحافيين بغاو يديرو معاه حوارات لكن هو رفض ومبغاش حيت داكشي كامل مسرحية وقال ” كحارس شخصي أرى الحقيقة كما هي، نحن نحمي حياته ومناطق المعيشة الخاصة، ونعلم من يدخل ويخرج. هذا الرجل محاط بالحراس الشخصيين منذ صغره. إذا أراد أي شخص الوصول إليه، فسيأتي إلينا أولا. لقد حافظنا على حياته الخاصة سرا، لأنه أرادها أن تكون أكبر حدث على وجه الأرض”.

ووثائقي leaving neverland نوض روينة كبيرة بعدما خرجو جوج رجال كانو مع مايكل وهوما صغار كيقولو أنه كان كيتحرش بيهم جنسيا.