نجوى المالحي-كود//

المغنية دنيا باطمة قررات مؤخرا تلتزم الصمت من بعد خرجاتها غير الموفقة خصوصا بعد ما تم الاستماع ليها وتوجهات ليها تهم ثقيلة في قضية حسابات حمزة مون بيبي لي كان داير عصابة ديال الابتزاز والتشهير.

صاحبة أغنية “ندمانة” ولات كتحط تصاورها وهي خارجة والأحاديث الدينية. البارح حطات الأداة لي كتحسب شحال من مرة سبحات ودوات باليدن باش تكسب تعاطف الناس.

صورة التسبيح الالكتروني تم تداولها في الصحفات الكبيرة، وقالو بزاف المعلقين أن قبل ما هي تسبح وتدعي الله باش تاخد حقها، العشرات دارو نفس الأمر ملي كانت هي كتعيرهم وكتخرج في لايفات تقلل منهم وتوصفهم بكلام ناقص.