وكالات-كود //

الجزائر قرقبو على  مدير الديوان الحكومي لحقوق المؤلف والحقوق المجاورة سامي الحسين بن الشيخ في قضية حفل المغني “سولكينكَ” لي ماتو فيها 5 اشخاص من الجمهور وتجرحوا كثر من 100 واحد.

القضية غادة وكتكبر بعدما قدمات وزيرة الثقافة مريم مرداسي استقالتها، وتم إقالة المدير العام للأمن الوطني عبد القادر بوهذبة، بقرار من رئيس البلاد عبد القادر بن صالح، دابا عدد المتابعين في الملف وصل لـ32 واحد فيهم موظفين ورجال الأمن المكلفين بالحراسة وزيد عليهم المكلفين بتنظيم الحفل، حيت هادشي كامل سبابو سوء التنظيم.

المارثة وقعات في مدخل التيران لي دار فيه حفل سولكينگ ولي جاو ليه المئات ديال الناس لكن تقلب كولشي لمأساة حقيقية.