الرئيسية > آش واقع > قضية جورج فلويد.. الاحتجاجات وصلات للعاصمة وترامب بغا يوقف المد ديالها بأي طريقة.. حضر التجوال تفرض فالليل وتفريق الاحتجاج بالغازات المسيلة للدموع والرصاص المطاطي
30/05/2020 22:30 آش واقع

قضية جورج فلويد.. الاحتجاجات وصلات للعاصمة وترامب بغا يوقف المد ديالها بأي طريقة.. حضر التجوال تفرض فالليل وتفريق الاحتجاج بالغازات المسيلة للدموع والرصاص المطاطي

قضية جورج فلويد.. الاحتجاجات وصلات للعاصمة وترامب بغا يوقف المد ديالها بأي طريقة.. حضر التجوال تفرض فالليل وتفريق الاحتجاج بالغازات المسيلة للدموع والرصاص المطاطي

عفراء علوي محمدي- كود//

توسعات المظاهرات فميريكان، وشارك فبها الآلاف فكل من مينيابوليس ونيويورك والعاصمة الأمريكية واشنطن، للاحتجاج على وفاة المواطن الأمريكي جورج فلويد على يد بوليسي يدعى ديريك تشوفين، بطريقة اعتبروها “حاطة من الكرامة الإنسانية”، لكن الرئيس الأمريكي، دونالد ترامب، والسلطات الأمريكية عامة كتدير كل ما فجهدها باش تحبس المد ديال هذ الاحتجاجات، على اعتبار أن فيها “عنف وأعمال تخريب فادحة”، وحيت وصلات للعاصمة وممكن تزيد مازال تزحف كثر.

وكاتحاول عناصر الأمن تفرق الاحتجاجات اللي باقة مستمرة حتى للآن، بواسطة الغازات المسيلة للدموع والرصاص المطاطي، خصوصا بعدما المحتجين شعلو العافية فليباريير اللي دايرين بكوميسارية مينيابوليس، اللي مات فيها الشاب الأمريكي.

قيادة مدينة مينيابوليس تحركو مباشرة من بعد ما غرد الرئيس الأمريكي فتويتر وهو كيحمل مسؤولية العنف اللي واقع ل”نقص القيادة”، وهدد باش يسيفط الحرس الوطني باش يكملو “المهمة بشكل صحيح”.

وقالت الناطقة باسم البيت الأبيض كايلي ماكيناني، إن ترامب “شعر بانزعاج كبير” عند رؤيته الشريط الذي يظهر وفاة فلويد، وعبر على الأسف ديالو لهذشي اللي وقع.

وعلى هذشي، فرض جاكوب فراي، رئيس بلدية مينيابوليس، قرار حظر تجول ليلي فمدينة مينيابوليس، وهو القرار اللي ممكن يستمر حتى لنهار الأحد، على اعتبار أن الاحتجاجات “غير مقبولة، وكاين فيها بزاف ديال الألم والغضب”، كيف شاف تيم والز، حاكم ولاية مينيسوتا، إنه لابد خاص تتوقف المظاهرات، “حتى العدالة تاخذ مجراها فقضية فلويد”.

وللإشارة، البوليس اعتقلو البوليسي تشوفين وتوجهات ليه تهمة بالقتل، وتطردو 3 بوليس خرين من الخدمة ديالهم بسبب واقعة مقتل فلويد، والتحقيقات مازال متواصلة مع عناصر خرين كانو موجودين فاش وقعات الحادثة.

وقضية مقتل فلويد دارت “بووم” على مواقع التواصل الاجتماعي، بعدما تسرب فيديو للبوليسي تشوفين وهو بارك بركبتو على العنق ديال فلويد، بينما هذ الأخير كايطلبو باش مايقتلوش وكيقولو بللي ماقادرش يتنفس، حتى مات مباشرة من بعدما هزوه للسبيطار.

موضوعات أخرى

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا

28/03/2024 21:30

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة

28/03/2024 21:00

يكذب الإسلامي وهو يتحدث عن تفكك الأسرة في الغرب! نحن روحانيون وأسرنا متماسكة وأطفالنا يكبرون في الشارع بعناية إلهية

28/03/2024 20:30

لاگوارديا سيپيل شدو جهادي صبليوني من أصل مغربي نشر رسائل مشفرة لدعم داعش وشروحات حول كيفية تصنيع المتفجرات

28/03/2024 20:00

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو