جثة مجهولة كلاوها الكلاب فالطريق بين العيون وفم الواد دارت استنفار فالجوندارم
عمـر المزيـن – كود//
محكمة الاستئناف فمراكش، أجلات البارح الثلاثاء، قضية المواطن الكويتي، اللّي متهم بهتك لعرض فتاة وافتض بكرتها. هاد التأجيل جاء بعدما المجلس الأعلى للسلطة القضائية دعا إلى تأجيل الملفات غير المستعجلة فهاد الفترة ديال “كورونا”.
مصادر حقوقية قالت لـ”كود” على أن هاد القضية اللي هزات الرأي العام الوطني، ويتابع فيها هاد المواطن الكويتي، في حالة سراح، تأجلات إلى جلسة 21 يوليوز المقبل، مشيرة إلى أن الغرفة المكلفة بهاد أجلت عدد من الملفات.
يشار إلى أن الجلسات اللّي ميكنش التأجيل ديالها كتتعلق بقضايا الجنايات والجنح الخاصة بالمتهمين الذين يكونون في حالة اعتقال احتياطي واللّي متواجدين فالحبس، وقضايا التحقيق للتقرير في وضعية الأظناء المقدمين للتحقيق معهم بعد إيداعهم في الحبس أو التحقيق معهم في حالة سراح، والقضايا الاستعجالية، وهي القضايا التي لا تحتمل التأخير.