وكالات //

وقف قاض اتحادي أميركي مع محامي نجم كرة القدم العالمية كريستيانو رونالدو ضد مرا كانت رفعات دعوى قضائية على اللعاب البرتغالي وطالبات فيها بتعويض جديد، كثر من 375 ألف دولار اللي خداتهم كتسوية في 2010، بعدما قالت أن رونالدو اغتاصبها في لاس فيكَاس.

قاضي الصلح في نيڤادا، دانيال ألبريكَتس انتقاد ليزلي مارك ستوفال، محامي المانكان مولات الدعوى، اللي سميتها كاثرين مايوركَا (Kathryn Mayorga)، حيت بنا القضية كاملة على وثائق مسربة ومشفورة، من بينها محادثات خاصة بين كريستيانو رونالدو مع المحامين ديالو.

وكتب ألبريكَتس في التوصية ديالو إلى قاضية المقاطعة الأميركية جنيفر دورسي قائلا: “إن رفض قضية مايوركَا بسبب السلوك غير الملائم لمحاميها هو نتيجة قاسية… لكنها، للأسف، العقوبة المناسبة الوحيدة لضمان نزاهة العملية القضائية”.

ومزال مامعروفش رد فعل المانكان على هاد التطور اللي وقع فالضوصي، وحتى المحامي ديالها مزال ماقالو والو، رغم أنه فالغالب غادي تطعن فالتوصية اللي دار القاضي دانيال ألبريكَتس.