كود الرباط//

مصالح الأمن بالرباط قرقبات اليوم على تلميذ غبي من داخل القسم بمركز الامتحان المنصور الذهبي بمقاطعة يعقوب المنصور. خلايا اليقظة لرصد حالات الغش رصدات واحد عملية ديال التسريب جارها شي تلميذ كانبو. هاذ التلميذ صور ورقة امتحان مادة الاجتماعيات وأرسلها لصديق لطلب المساعدة.

وتحت ضغط الخوف والزربة التلميذ لم ينتبه إلى أن ورقة مادة الامتحان ديال الاجتماعيات اللي صورها مكتوبة فيها سميتو. هاذ الغبي معذبش البوليس حيث دغيا دخلوا عليه للقسم وشدوه. هاذ العملية تنضاف لعملية اعتقالات كثيرة همت آسفي وفاس والدار البيضاء.

أغلب الاعتقالات همت تسريبات لصفحات بالفايسبوك، إضافة ألى انتحال صفة ديال مرشح اللي كيديروها شي وحدين يا إما بمقابل أو مجاملة لصديق أو لأحد أفراد العائلة.