الرئيسية > آش واقع > قربالة فمحكمة تطوان.. “حجز” أورديناتور قاضي بسبب رسائل مجهولة وإحالة قاض آخر على المجلس التأديبي
10/01/2021 16:30 آش واقع

قربالة فمحكمة تطوان.. “حجز” أورديناتور قاضي بسبب رسائل مجهولة وإحالة قاض آخر على المجلس التأديبي

قربالة فمحكمة تطوان.. “حجز” أورديناتور قاضي بسبب رسائل مجهولة وإحالة قاض آخر على المجلس التأديبي

كود تطوان//

أنهت لجنة من المفتشية العامة عملها بالمحكمة الابتدائية بتطوان ب “حجز” أورديناتور ديال قاضي بالنيابة العامة، والغرض – حسب مصادر كود- إخضاع الحاسوب لخبرة تقنية معلوماتية لمعرفة مصدر رسائل مجهولة توصل بها المجلس الأعلى للسلطة القضائية، ووزارة الداخلية والمديرية العامة للأمن الوطني، وحتى جهاز الديستي…

وقررت المفتشية إحالة قاض من المحكمة الابتدائية مكلف بقضايا الجنحي التلبسي على المجلس التأديبي بناء على ما توصل إليه المفتشون من معطيات ومعلومات تخص بعض الملفات التي سبق للقاضي المعني البت فيها.

الرسائل المجهولة اللي تكتبات بطريقة احترافية، وجات فيها معطيات دقيقة عن قضايا وملفات دازت قدام النيابة العامة والمحكمة في جلسات عديدة، خلات المفتشية العامة تتحرك، وتدير عملية تحقيق وتفتيش حيت الشكوك تركزت على أن مصدر الرسائل المجهولة اللي جا فيها اتهامات خطيرة، هو من داخل المحكمة وليس من خارجها.

وتركز التحقيق مع جوج القضاة من النيابة العامة، اللي الشكوك الكبيرة كا تحيط بيهم، وخذاو الأورديناتور ديال واحد فيهم.

كما استغرب قضاة المفتشية للفترة الطويلة اللي دوزها واحد القاضي في النيابة العامة بابتدائية تطوان، حيت وصلات لمدة 14 عام دون أن يتزحزح من منصبه، وهو ما استغرب له المفتشون، دون أن يجدوا له تفسيرا مقنعا.

وذكرت مصادر (كود) أن تنقيلات واسعة غادا تشمل قضاة محاكم تطوان خلال الأيام القادمة، بناء على تقرير المفتشية العامة.

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا