كود سبور//

بدا التنافس بقوة بين الفرق الأوروبية الكبيرة باش تحصل على خدمات الدولي المغربي نور الدين أمرابط نجم المنتخب المغربي وفريق فيورنتينا الإيطالي، واللاعب صبح فالطريق ديالو باش يرحل على البطولة الإيطالية.

وحسب موقع “Footmercato” المتخصص في انتقالات اللاعبين والصفقات ديال الفرق الأوربية، راه بقاء سفيان امرابط بفيورنتيا كيتعتبر مفاجأة من بعد المستوى الكبير اللي قدم خلال كأس العالم 2022 مع المنتخب المغربي.

الموقع الإيطالي كشف، أن عدد من الأندية الأوربية بدأت كتحرك وعبرت على اهتمامها بالمغربي سفيان امرابط اللي كيفضل يمشي يلعب بالبطولة الإسبانية وبالضبط مع البارصا، اللي كان قريب يسني معه فالميكاتو الشتوي الماضي لولا تعنت فيورنتينا، وكشف نفس المصدر أن البارصا صحيح عندهم أزمة حاليا ولكن مع نهاية الموسم غيكونو بنسبة كبيرة تجاوزوها وامرابط هدف بالنسبة لهم.

المصدر نفسو، قال أن أتليتيكو مدريد الإسباني عاطي اهتمام للاعب سفيان أمرابط وديما متبع التطورات ديالو، أما على مستوى البطولة الانجليزي فكل من ليفربول وتوتنهام اللي عبر كل واحد فيهم أنه باغي اوناحي في الشتاء الماضي، حتى واحد منهما لم يستسلم ومازال ما قال الكلمة ديالو، وأن باريس سان جيرمان الفرنسي حتى هو سول على أمرابط والوضع ديالو ولكن البطولة الفرنسية ما معمراش له العين.

وأكد الموقع الإيطالي، أنه حتى لو أن الأندية الإنجليزية وباريس سان جيرمان الفرنسي مرتاحين ماليا، ولكن سفيان أمربط الرغبة ديالو هي يلعب بالبطولة الإسبانية.