كريم الشركي-كود//

قررت النيابة العامة بابتدائية تارودانت، إحالة مرا متزوجة للسجن المحلي، في حين جرى اطلاق سراح عشيقها، بعدما تنازلات ليه مراتو على الخيانة الزوجية.

وقالت مصادر محلية، أن الزوج اللي ساكن فالخليج وكيخدم تماك، وصلوه صور دمراتو مع شي واحد، هادشي لي خلاه يحط شكاية عند النيابة العامة، وبعد اعتقال الزوجة وعشيقها اعترفت بالمنسوب لها، كما ضبطت محادثات بين الزوجة وعشيقها فالهاتف ديالها.

ورغم أن لقانون كيعاقب كلا الشخصين بنفس العقوبة، لكن المرا مظلومة فقضية الخيانة الزوجية، لأن الرجال المتزوجون كيتنازلو ليهم النسا ديالهوم وكيخرجو، في حين ان المتزوجات مكيتنازلش ليها الراجل وكتبقى دوز الحبس، وهادشي لي وقع فقضية هاد الزوجة، لي ماتنازلش ليها راجلها، في حين ان عشيقها خرج من الاعتقال لأن مراتو تنازلات ليه.