كريم الشركي – كود //

مئات القاصرين المغاربة الحاركَين فإسبانيا احتجو نهار الجمعة الفايت، فمدريد، حدا مقر وزارة الداخلية، بدعم ما يقارب 300 جمعية، بسباب الترحيل غير القانوني اللي كيتسناهوم.

المحتجون طالبو بإصلاح نظام الأجانب ورفض عمليات الترحيل غير القانونية، وكتبو على لافتة : “بزاف منا مهاجرون، واليوم كنمارسو التمييز ضد هاد المهاجرين من الخارج. يلا كانوا لاباس عليهم، فهوما سياح، ويلا كانوا فقراء، فهوما حراكَة، وهادي عنصرية“.