كود كازا //

كتستعد القوات المسلحة الملكية لاستلام أول طيارة د التجسس مجهزة بتقنية ISR فالبداية د العام الجاي 2021، هذ الطيارة الجديدة قادرة على التشويش على الدفاعات الجوية، وجات من بعد عامين من توقيع عقد مع شركة “Raytheon” الأمريكية لشراء 4 طائرات Gulfstream G-550s.

تجهيز هاد الطيارة كان من طرف المجموعة الإسرائيلية Elta Systems، التابعة لشركة الصناعات الجوية الإسرائيلية، الشركة الأولى ديال التكنولوجيا الجوية فالدولة العبرية، و هي نفسها اللي غاديا تتكلف بالصيانة.

الاتفاق كان تبرم ف18 ماي 2009، و تقدر بمبلغ 142 مليون دولار ، نص على تسليم 4 طيارات د رجال الأعمال بمدى 12000 كيلومتر، و زاد أكد البيان اللي صدراتو  وكالة التعاون الأمني ​​الدفاعي الأمريكية DSCA أن الأجهزة مصنوعة فميريكان ومجهزة بتقنيات إسرائيلية.