وكالات //

سجل راجل بريطاني، وهو أب عندو 3 دالوليدات، مصاب بالشلل فالطرف السفلي من الجسد ديالو، روكور جديد فموسوعة “كَينيس”، بعدما طلع قمة أحد أطول المباني فالمملكة المتحدة بمساعدة لبسة أوتوماتيكة خاصة بالمشي.

جورنال “The Daily Mail” البريطاني، قال أن سيمون كيندليساديس (Simon Kindleysides) أصبح عاجزاً عن المشي دون مساعدة، ولكنه بطل فهاد المسابقات الخاصة بالأشخاص اللي بحالو، وفايت ليه أيضا سجل أرقام قياسية سابقة دخل بيها الموسوعة العالمية.

كيندليساديس طلع من ليطاج التحتاني حتى ليطاج 51 من العمارة، اللي دار فيها هاد التشالنج، فمدة 6 سوايع و16 دقيقة فقط، بدعم مجموعة من أصدقائه وشركة “CC Land”، اللي فملكيتها الكَرات سيال فالعاصمة البريطانية لندن.