وكالات //

لقا عالم ديال الآثار، في مدينة طاليانية سميتها إيزرنيا، راس مصوب من رخامة ديال أول امبراطور لروما في عمرو 2000 عام.

الراس لقاه “فرانشيسكو جيانكولا” ملي كان كايصوب حيط طاح بسباب الشتا القوية اللي دازت فالمنطقة.

العالم ماكانش كايتوقع يلقى بحال هاد الاكتشاف، وقال أنه ملي كان كيحفر بان ليه لون الحيط تبدل وكمل الحفير ومن بعد هو يبان ليه الرخام.

و الراس فيه 35 سنتمتر فالطول، ولحد الآن مامعروفش علاش كان مخشي فديك البلاصة وسط الحيط.