الرئيسية > آش واقع > ف زمن ايت الطالب وفضايحو.. القصر والحكومة: خاص اصلاح عميق لقطاع الصحة
18/10/2021 12:30 آش واقع

ف زمن ايت الطالب وفضايحو.. القصر والحكومة: خاص اصلاح عميق لقطاع الصحة

ف زمن ايت الطالب وفضايحو.. القصر والحكومة: خاص اصلاح عميق لقطاع الصحة

كود الرباط//

لبارح الأحد خرج أول بلاغ للمجلس الوزاري (القصر + الحكومة) هضر بشكل صريح وقوي على قطاع الصحة، قال بلي خاص اصلاح عميق. وركز عليها الصحة ف أولوليات مشروع ميزانية 2022. يعني الصحة هي كولشي وخاص تصلح.

طبعا السياق ديال البلاغ واضح وباين، بعد تقرير المهمة الاستطلاعية البرلمانية لي قال بلي ضروري تربط المسؤولية فالمحاسبة، والمقالات لي تنشرات في مختلف المنابر الاعلامية اللي كلها كتهضر على وجود اختلالات كثيرة ف تدبير الصفقات التفاوضية لـ”كورونا”.

وبعد أيام قليلة من زلزال إعفاء وزيرة الصحة نبيلة الرميلي وما تلاه من نقاش وجدل بعد إعادة الوجه القديم خالد ايت الطالب بالرغم من وجود تقارير تفيد بوجود العشرات من الاختلالات في تدبير صفقات كوفيد، أكد المجلس الوزاري على ضرورة إصلاح عميق للصحة، حيث جاء في بلاغ الديوان الملكي :”وتنفيذا للتعليمات الملكية السامية، ستقوم الحكومة بإطلاق إصلاح عميق للمنظومة الصحية، بما يستجيب لتأهيل القطاع الصحي، ومواكبة ورش تعميم الحماية الاجتماعية”. يعني القصر عارف الاختلالات ومظاهر الفساد لي فهاد القطاع، لذلك الملك عطا تعليمات باش يكون إصلاح عميق لهاد المنظومة الصحية.

وللتذكير تقرير المهمة الاستطلاعية قال بأن ايت الطالب عقد صفقات تفاوضية مع أكثر من 45 شركة غير مصرح بها لدى مديرية الأدوية والصيدلة، اضافة الى اختلالات همت صناعة الكمامات والترخيص لبعض الشركات لصناعة اجهزة طبية تخص تدبير كورونا.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم