ميريكان غادي تعطي مكافأة ديال 10 مليار لأي واحد غادي يعطيها معلومات على المشة الكحلة
نجوى المالحي-كود//
وزير الفلاحة عزيز أخنوش دار كونط على موقع “انستكرام” لي فيه نسبة كبيرة من الشباب المغاربة، وفي يوماين وصل عدد المتابعين لـ17.800، وهو رقم بلا سبونسورينك بلا والو.
وفي التعاليق لي فاتت 1200 رحبو المتابعين ديالو بفكرة دخولو عالم الانستكرام والتقرب من الشباب ويشارك معاهم جوانب من حياتو اليومية.
ودار أخنوش أول فيديو في الكونط ديالو وكشف فيه أنه كان في بني ملال وازيلال ومراكش وتلاقا مع بزاف ديال الناس، وقال أنه دار هاد الفيديو باش يكمل الحوار مع المواطنين خصوصا الشباب.
وكتب أخنوش على الفيديو: “السلام عليكم، أزول، هذا أول فيديو ليا في إنستغرام. درت هاد الكونت باش نتواصل معاكم نتوما الشباب، نتعرف أكثر على الانتظارات ديالكم ونبارطاجي معاكم جوانب من الحياة اليومية ديالي هدي تجربة جديدة بالنسبة ليا. كنتمنى أنكم ترحبو بيا فهاد الفضاء لي هو ديالكم، و ماتبخلوش عليا بتعليقاتكم وآراءكم”.