شرع اليد فدولة مزال خدامة بقانون ليوطي “الرجعي”.. اعتداء على “مفطر رمضان” مقطوع رجع النقاش للتخلف القانوني فبلادنا
وكالات //
ولدات شابة بريطانية، عندها 17 عام، وكتسكن فڤيلاج “Newmilns” التابعة لـ”Ayrshire” بإسكتلندا، أصغر بيبي اللي الوزن ديالها مافايتش 325 كَرام.
الأطباء قالو ليها أن بنتها ماغاديش تقدر تعيش 24 ساعة كاملة، وأن فرصة الحياة ديالها هي 20 فالمبة، لكن الرضيعة قدرات أنها تعيش.
وتولدت البنيتة، اللي سميتها “هانا” (Hannah)، بسيزاريين ماكانتش سهلة، فقسم الطوارئ، مللي كانت ماماها “إيلي پاتون” (Ellie Paton) حاملة بيها فالسيمانة 25.
ودابا عندها لقب أصغر رضيعة فبريطانيا، وبقوتها قدرات، لحد الساعة، تحنت دوك الأطباء اللي قالو بللي ماغاديش تطول عايشة.
تيني مزال فصبيطار “Queen Elizabeth Hospital” فمدينة كَلاسكَو، تحت المراقبة الطبية و لكن حالتها غادية وكتتحسن و واليديها كيتمناو تزاد فالوزن ديالها بشكل عادي وفأقرب وقت باش يقدرو يدويها للدار.