وكالات //

خرجات “نتفليكس” لابوند أنونص ديال الفيلم اللي كيعاود قصة حياة النجمة العالمية الراحلة مارلين مونرو وسماوه “Blonde”  أو “زعرا”، بنفس سمية الرواية ديال الكاتبة الميريكانية “Joyce Carol Oates”، الي اقتابسو منها هاد الفيلم.

فكرة إنتاج فيلم على قصة حياة النجمة مارلين مونرو كانت مطروحة هادي أكثر من 10 سنين وبالضبط ف2010، ولكن ما تحققات حتى ل2022.

الفيلم اللي غادي يدوز حصريا ف “نتفليكس”، غيخرج فميريكان فشهر سبتمبر الجاي، وكيوري أهم مراحل حياة النجمة الراحلة، وغادي يهضر أيضا على قصص وعلاقات الحب اللي دازت منها والاستغلال اللي تعرضات ليه، وغيهضر حتى على معاناتها مع إدمان الدوايات.

والدور ديال الميريكانية مونرو لعباتو الممثلة آنا دي أرماس (Ana de Armas)، بنت العاصمة الكوبية هافانا واللي فايت شاركات فعدد من التجارب السينمائية منها فيلم “No Time to Die” ديال سلسلة “جيمس بوند” اللي خرج العام الفايت.