وكالات //
لأول مرة منذ 80 عام طاحت الشتا مجهدة بزاف وبمستويات فايتة القياس على كوريا الجنوبية، وغرقات ديور ومرافق عمومية منها مترو الأنفاق فالعاصمة سيول، اللي معروف أنه هو من أقوى البينات التحتية اللي كاينة فالعالم.
التصاور ديال هاد الفيضانات فكوريا الجنوبية، اللي كتعتابر الأسوأ عندهم من هادي 80 عام، واللي تزامنات مع هاد الصيف، معمرة مواقع التواصل الاجتماعي، والضحايا، وصلو ل9 غرقو وما قدراتش الوقاية المدنية توصل ليهم.
وكالة “يونهاب” الكورية الجنوبية للأنباء قالت أن العاصمة سيول من بين المدن اللي تضررات بزاف بهاد الشتا والفيضانات، وغرقو فيها عدد من الديور والبنايات وتقطعو الطرقان وتسجلات فيها حالات وفاة وأيضا خسائر مادية كبيرة.