الرئيسية > تبركيك > فهم تسطى.. كوبل دعاو ولدهم ومراتو حيت ما بغاوش يولدو ليهم حفيد!
14/05/2022 00:00 تبركيك

فهم تسطى.. كوبل دعاو ولدهم ومراتو حيت ما بغاوش يولدو ليهم حفيد!

فهم تسطى.. كوبل دعاو ولدهم ومراتو حيت ما بغاوش يولدو ليهم حفيد!

وكالات //

كوبل هندي في ولاية أوتارانتشال، شمال الهند ناضو دعاو ولدهم “Shrey Sagar” ومراتو “Shubhangi” لأنهم تعطلو باش يولدو ويجيبو ليهم حفيد من بعد 6 سنين ديال الزواج.

الكوبل، “Sajneev” و “Sadhana Prasad” اللي غارق وشابع ثقافة ذكورية زائد الخرافة والزلط اللي سائد فمجتمعهم، قالو أنه خلصو فلوس على ولدهم باش يقرا الطيران ودارو ليه عرس أسطوري وصيفطوه هو وعروستو على حسابهم يدوزو شهر العسل فتايلاند، ودبا كيطالبو بتعويض ديال 650 ألف دولار على المعاناة النفسية واللي تسبب ليهم فيها ولدهم ومراتو حيت “ماولدوش ليهم حفيد فمقابل تضحايتهم”.

الوالدين قدمو للمحكمة المدنية فالهند كَاع تفاصيل المصاريف اللي خسروها على ولدهم من نهار بدا القراية حتى لنهار زواجو وحتى من بعد مع العروسة، ولكن الكوبل الشاب ما بغاوش يحققو ليهم حلمهم ويجيبو ليهم حفيد يونسهم بعد التقاعد.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة