تقارير : كونسورتيوم ميريكاني اختار المغرب لتدشين منصة صناعية كبيرة لتجميع الطيارات ديال الشحن
كود الرباط//
اليوم المغاربة تصدمو بزاف، كولشي كاعي على الدولة، كولشي كيقول فين هاد الدولة اللي قوية اللي واجهت كورونا بشهادة العالم، كيفاش فشلات قدام معمل سري ماتو فيه أكثر من 25 شخص، حسب اخر المعطيات اللي توصلت بها “كود”.
دبا اللي مسؤول ماشي غير الداخلية، كولشي مسؤول جميع القطاعات الحكومية والاجهزة، شكون اللي كيتستر، وشكون وشكون. فضيحة عالمية
رويترز كتبات، نبعاتها واشنطن بوسط، تشوهنتا، فين حقوق العمال وفين القانون، وفين وسائل السلامة الصحية.
واش المغرب اللي حقق انتصارات كبيرة،فالصحراء، ف التلقيح، وصل لهاد المستوى. علاش ديما كنطيحو فشي أمور مخصش يكون فيها التساهل.
دبا هاد 26 شخص اللي ماتو، شكون يتحمل المسؤولية فالغرق ديالهم. كولشي. كولشي. الدولة مسؤولة.
تدبير الكوارث الطبيعية، مسؤولية الحكومة كاملة، فشلو فشل ذريع فتدبير فيضانات كازا، ودبا المأساة ديال طنجة.
وحسب بلاغ رسمي، فقد تدخلت السلطات المحلية والأمنية ومصالح الوقاية المدنية صباح اليوم ، حيث تم إنقاذ 10 أشخاص ، نقلوا إلى المستشفى الجهوي لتلقي الإسعافات الضرورية . كما تم انتشال جثت 24 شخصا آخرين ، فيما تستمر عمليات البحث للوصول وإنقاذ بقية الأشخاص المحاصرين المحتملين .