الرئيسية > آش واقع > فضايح مولاهم. مدير المركز الوطني للتجديد التربوي فوزارة التعليم كيضحك على لمغاربة. عطى قل من 24 ساعة لوضع ملفات لهاد التكوين باش يعزل صحابو
09/05/2022 09:30 آش واقع

فضايح مولاهم. مدير المركز الوطني للتجديد التربوي فوزارة التعليم كيضحك على لمغاربة. عطى قل من 24 ساعة لوضع ملفات لهاد التكوين باش يعزل صحابو

فضايح مولاهم. مدير المركز الوطني للتجديد التربوي فوزارة التعليم كيضحك على لمغاربة. عطى قل من 24 ساعة لوضع ملفات لهاد التكوين باش يعزل صحابو

كود كازا ///

شكيب بنموسى وزير التربية والتعليم الاولي والرياضة خدام بنيڤو طالع على هادوك الاطر اللي فالوزارة. شي وحدين كيديرو اخطاء غريبة بحال هاداك يوسف الازهري٬ مدير المركز الوطني للتجديد التربوي والتجريب. كيصر هاد بنادم يسمي راسو “مولاي” غير على هادي خاصهم يجريو عليه. واحد عندو عقلية عنصرية كيعتاقد باللي بنادم طبقات اش كيدير فهاد المديرية.

هاد بنادم دار مراسلة لمديرة ومديري الاكاديميات الجهوية للتربية التكوين بتاريخ 6 ماي 2022 باش يخبر بتقديم ترشيحات لدورات تكوينية حضورية باسبانيا وحدد اخر اجل لوضع هاد الترشيحات هو قبل من 6 ماي. كتب بلا حيا بلا حشمة “المرجو منكم فتح باب الترشيح في وجه الاساتذة المعنيين وموافاة الوحدة المركزية بطلبات ترشيحهم المرفقة في ارسالة واحدة وذلك قبل 6 ماي 2022 علما ان اخر اجل لوضع الترشيحات من قبل الجانب الاسباني هو 7 ماي 2022”.

دابا هاد مولاهم مول الڤيلا ب400 متر مربع فالرياض على حساب الدولة واش يستاحق هاد المنصب. هاد المسؤول اللي ما مسوق لوالو خاصو يمشي فحالو. هاد الشي كيبين باللي هاد السيد ختار اللي غادي يشارك ودار هاد البيان غير يضحك علي اللي بصاح باغي يترشح ويستحق يحضر لهاد الدورة التكوينية. فالصبليون كلشي يبغي يشارك

بنموسى خاصو وحدين كيشبهوه فهاد الوزارة ايلى بغاها تقلع. بزاف التواضع مع بزافت الخدمة. بيان بسيط بحال هادا كيكشف باللي مسؤول بهاد هاد مولاهم يوسف خاصو يرجع للتكوين. راه خاصو التكوين المستمر ويحيدوه من بلاصتو. خاصو يتفورماطا وخاص الوزير يلغي هاد الترشيح ويشرف عليه براسو. راه ما كاينة ثقة فهاد الازهري

موضوعات أخرى

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا