كود مصطفى الشاذلي ///
بزاف ديال فرق أندية القسم الثاني خايفين من ليزاربيط هاد العام، خصوصا بعد فضيحة ماتش ديال المحمدية ووداد فاس الأحد الماضي، برسم الدورة الخامسة من منافسات البطولة.
هاد الماتش خلق ضجة اليوم الثلاثاء بعد بلاغ وداد فاس، لي أكد فيه أنه تعرض لظلم تحكيمي كبير من طرف الحكم يوسف الهراوي.
مسؤولو العديد من أندية القسم الثاني اتصلوا ب”كود”، هاد الصباح وعبروا عن استنكارهم من هادشي لي وقع في المحمدية، وطلبوا من رئيس الجامعة فوزي لقجع يفتح لانكيط ف هاد الفضيحة التحكيمية باش يوقف على حقيقة ادعاءات وداد فاس، لأن الاتهامات ضد الحكم الهواري ثقيلة بزاف، وخاص تثبت واخا صعيب تقدم حجج دامغة على تورطه في تسهيل فوز شباب المحمدية.
فرق القسم الثاني ولات خايفة شي حاجة سميتها شباب المحمدية والحكام ولكن ما خاصش تكون الاتهامات مجانية فقط. خاص مديرية التحكيم تراقب الحكام مزيان وتساءلهم إلا أخطأوا في شي ماتش، باش تبعد عليها النحل.
