نجوى المالحي- كود//
من المنتظر باش يطل الكوميدي حسن الفد على المغاربة في شهر رمضان بسيتكوم جديد سميتو “طوندونس”، غادي يتعرض على حسب التبركيكة لي جابت “كود” مرة في السيمانة، وغادي يكون كل مرة شخصيات مختلفة.
حسن الفد نشر اليومين الماضيين على حسابو في انستكَرام جوج صور لشخصيتين من سيتكوم “طوندونس” لي قرب ينتهي من التصوير ديالو.
وكان حسن الفد غادي يطل على المغاربة بصيغة جديدة لشخصية كبور، لكن ظروف الحجر الصحي لي فرضو المغرب للحد من انتشار كورونا، منعتو من تصوير الحلقات الجديدة وهادشي لي علن عليه في بوسط سابق على حسابو في انستكَرام.
