نجوى المالحي- كود//

في الوقت لي الملك كياخد قرارات كبرى لتجاوز المرحلة لي كنعيشوها، وباش لبلاد تفوت جايحة كورونا وتحد من انتشار الفيروس، واحد خارج في فيديو كيطلب منو يسمح لنعيمة ويخرجها من الحبس.

هذا راجل نعيمة لي مشدودة فاللحبس حيت كيحققو معها بسبب الترويج لأخبار مغلوطة على فيروس كورونا، خرج في فيديو كيطلب الملك أنه يخرجها من الحبس لأنها ما قارياش وما عارفاش وغلطات.

هاد الناس بالصح خاصهم يقيلو عليهم عاهل البلاد، بالصح هو ملك الشعب وكنلتجؤوا ليه في الوقت لي كنحسبو فيه بالظلم، ولكن ماشي نكونو ظالمين ونقولو للملك آجي خرجنا. البلاد راه فيها قانون يسري على الجميع.ة، واللي دار علاش يستاهل يتعاقب حسب هاد القانون، خاصة في اوقات بحال هادي فين معلومة خاطئة يمكن توصلنا لوضع خطير بزاف، الدولة دايرة جهدها باش تفاداه