نجوى المالحي – كود//
من بعد 7 شهور على نجاح أغنية “لازم علينا نصبرو” ديال المغني زهير البهاوي، خرج كواليس تصوير الفيديو كليب لي حقق 61 مليون مشاهدة على القناة ديالو في يوتوب.
الكليب لي قاس قلوب بزاف ديال الناس، من إخراج أمير الرواني، وكيحكي قصة كوبل ماتت المرا ملي كانت كتولد ومعاناة الأب، وحياتو الجديدة مع بنتو.
من خلال الكواليس بان أن فريق العمل كان كبير، ومخدوم بإمكانيات مادية صحيحة.
