مصطفى الشاذلي – كود سبور//

فريق أوروبي عبر عن تضامنه مع المشجع الرجاوي السيمو، لي كيعاني من مرض الكونصير
الفريق الأوروبي، هو أولدهام الإنجليزي، لي سبق ليه لعب كونتر الرجاء البيضاوي الصيف لي فات، ضمن استعدادات الرجا للموسم الحالي.

الفريق الإنجليزي نشر فالصفة الرسمية ديالو صورة قميص السيمو هازينو لعابة ديالو، وصورة أخرى، وهو كيلعب فستاد مراكش، لكن دابا تدهورت حالتو الصحية بسبب هاد المرض الخبيث.

الاتحاد الدولي لكرة القدم عجباتو المبادرة لي دارو الجمهور ديال الرجاء تجاه المشجع السيمو.

الفيفا نشر منشور فليامات الأخيرة: “مشجع رجاوي كيقاوم الكونصير، وكيتعالج وماقدرش يمشي للملعب باش يشجع الفريق ديالو وجاو الجمهور لدارو، ويتمنى له الشفاء العاجل”.