أسماء غربي -كود//
المغني فريد غنام دار أغنية جديدة سميتها “بلگانة” وقد في نهار واحد يطلع للطوندونس ويشد البلاصة الثانية.
واختار خريج برنامج “the voice” لي سماتو المصرية شيرين “فراولة” مراتو رباب أزماني باش تكون بطلة الفيديو كليب ديالو عوض ما يختار شي مودل آخر.
وفي وقت قصير وصل عدد مشاهدي الأغنية لاكثر من مليون ونص.
وكان فريد تزوج بمراتو بعدما تعارفو في الأنترنت وكانت هي معجبة بيه بزاف ملي شارك في البرنامج الغنائي المذكور سابقا.