نجوى المالحي-كود//
من بعدما كان نشيط على حسابو في أنستكَرام، الرابور المغربي-الميريكاني كريم خربوش المشهور بفرانش مونتانا ضربها بغبرة، وهادشي خلا المتتبعين ديالو يضرهم راسهم ويبغيو يفهمو فين غبر.
فرانش مونتانا من غشت ما حط شي حاجة، وحتى الستوريات لي كان كيتفاعل فيهم بزاف مع المتتبعين ديالو غبر منهم بمرة.
مونتانا قدر يحقق أرقام قياسية في حساباتو على مواقع التواصل الاجتماعي، وقناتو في يوتوب متبعينها الملايين وحتى مابيعات أغانيه والبوماتو غادية مزيان.