الرئيسية > آراء > فرانسا وألمانيا دوزو قرون ديال الحروب الطاحنة ! و المقاتلة و الدم و غير هادي واحد تمانين عام المانيا احتلات فرانسا و قتلات فيها الآلاف د الباشار و هاكاك ماعمرك تلقا اليوم شي فرانساوي كايقوليك ماتسميش شي سمية المانية لولدك ! ! غا حنا لي مساخيط عندنا الحسن الكتاني لي حارن فالماضي و ديرونجاتو سمية ” اكسيل”
30/06/2020 16:00 آراء

فرانسا وألمانيا دوزو قرون ديال الحروب الطاحنة ! و المقاتلة و الدم و غير هادي واحد تمانين عام المانيا احتلات فرانسا و قتلات فيها الآلاف د الباشار و هاكاك ماعمرك تلقا اليوم شي فرانساوي كايقوليك ماتسميش شي سمية المانية لولدك ! ! غا حنا لي مساخيط عندنا الحسن الكتاني لي حارن فالماضي و ديرونجاتو سمية ” اكسيل”

فرانسا وألمانيا دوزو قرون ديال الحروب الطاحنة ! و المقاتلة و الدم و غير هادي واحد تمانين عام المانيا احتلات فرانسا و قتلات فيها الآلاف د الباشار و هاكاك ماعمرك تلقا اليوم شي فرانساوي كايقوليك ماتسميش شي سمية المانية لولدك ! ! غا حنا لي مساخيط عندنا الحسن الكتاني لي حارن فالماضي و ديرونجاتو سمية ” اكسيل”

سهام البارودي – كود//

الناس كايزيدو القدام و كايشوفو المستقبل ! هادشي لي كايبان ليا فاش كانشوف الخارطة د اوروبا اليوم و كيفاش قدرو انهم يتجاوزو الحروب الطاحنة لي دازت بيناتهم و يطورو علاقات اقتصادية و سياسية مهمة تزيد بيهم و بشعوبهم القدام ! المانيا و فرانسا كمثال ! او فرانسا و النگليز ! و لا بعدنا اكثر غانلقاو الشينوا و الجابون … دول كثيرة كانت بيناتهم حروب طاحنة و ضحايا بالالاف و الملايين گاع و هاكاك قدرو انهم يتجاوزو الماضي و يبنيو الحاضر و يخلقو تكتلات باش يواجهو المستقبل !

العقلية الاسلاموية ! الخوانجية ! اللحاياوية لا ! مصرة اصرارا و ملحة الحاحا انها تعيش فالماضي و تبكي و تهرنن على زمن الخلفاء “الراشدين” لي الاغلبية فيهم ماتو مقتولين و لا مسمومين ! و تتحسر على الاندلس و تبكي على الاستعمار الفرنسي و الاسباني ! رافضين دينمهم يعيشو معانا فالفين و عشرين و نفكرو جميع للمستقبل و هادشي لاش خرج لينا مؤخرا الكتاني لي كان مشدود مورا احداث سطاش ماي باش يعيب على الزفرافي انه يسمي ولد خوه ” اكسيل” حيت الكتاني كايشوف انه ماشي من حق عائلة الزفرافي تسمي ولدها بسميت قائد امازيغي قتل “الصحابي عقبة بن نافع ” ! وا شوف دابا قمة مسالية الكر فين كاتوصل بنادم !  حنا نمحيو جزء مهم من الهوية ديالنا الامازيغية و مانسميوش ولادنا بسميات امازيغية حيت حقا و الواد سي الكتاني لي مازال عايش فالقرن جوج غادي يتقلق لينا !

هادي راه قمة مسالية الكر و قمة العنصرية اتجاه الهوية و الثقافة الامازيغية لي كايشوفها الكتاني لا ترقى لمستوى الهوية العربية الاسلامية لي باغينا نلبسوها بزز منا !

انا شخصيا كانشوف الكتاني و امثاله فحال داك البوليسي لي كان عافط على جورج فلويذ ! غي هوا الكتاني بغا يعفط على گاع الامازيغ و الهوية ديالهم بمكافحو و يخنقهم بالاقصاء و الظلامية لي عايش فيهم!

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة