الرئيسية > تبركيك > فايك نيوز. أخبار كتروج بللي جامعة القنيطرة دارت دراسة على “هاواي” ولقاتها عامرة بالمواد المسرطنة.. رئيس الجامعة لـ”كود”: الجامعة ماعندهاش الحق تدير دراسات بهاد الحجم.. وهادشي إلى تدار كيكون بتنسيق مع الدولة
04/08/2020 14:00 تبركيك

فايك نيوز. أخبار كتروج بللي جامعة القنيطرة دارت دراسة على “هاواي” ولقاتها عامرة بالمواد المسرطنة.. رئيس الجامعة لـ”كود”: الجامعة ماعندهاش الحق تدير دراسات بهاد الحجم.. وهادشي إلى تدار كيكون بتنسيق مع الدولة

فايك نيوز. أخبار كتروج بللي جامعة القنيطرة دارت دراسة على “هاواي” ولقاتها عامرة بالمواد المسرطنة.. رئيس الجامعة لـ”كود”: الجامعة ماعندهاش الحق تدير دراسات بهاد الحجم.. وهادشي إلى تدار كيكون بتنسيق مع الدولة

عفراء علوي محمدي- كود//

معلومات كتروج هذ الأيام على دراسة داروها طلبة وأساتذة فكلية العلوم بالقنيطرة، كتقول أن الموناضة ديال “هاواي” فيها 14 مادة خطيرة وقاتلة بنسبة ديال 100 فالمية، تقدر تتسبب للأشخاص فالسرطان بعد تجاوز سن ال50.

“كود” سولات رئيس جامعة بن طفيل على هذ الدراسة، وقال بللي ماعندوش عليها خبار، لا هو لا عميد كلية العلوم، وأكد أن هذ الدراسات ماشي ثابتة، حيت ممكن الناس يكونو خدمو على برودوي تقادم ودازت عليه لاداط ديال الفاليديطي، أو مابقاش صالح، كيف ممكن تكون أمور أخرى، لكن “الجامعة ماعندهاش الحق تخرج مسألة بهذ الحجم إلى ماكانش عندها اليقين التام والمطلق بان هذشي كاين.. ودراسات من هذ القبيل كتكون بتنسيق مع الدولة اللي عندها سيركويات خاصين بدراسة المواد الغذائية “، على حد تعبيرو.

وقال حتى إلى الجامعة توصلات لنتائج بحال هذي ماغديش تخرجها، لكن غتعطيها للمراقبة، باش متتحملش مسؤولية كبيرة متقدش عليها، لكن فالمقابل كشف أن كاينين باحثين كيشتغلو فجمعيات لحماية المستهلك يمكن يديرو بحال هذ الدراسات، غير وكان الجامعة كتبقى بعيدة عليها.

وأكد ان مختبرات الجامعة من مارس بقاو سادين بسبب جايحة كورونا، ومايمكنش الطلبة يديرو ابحاتهم فيها، وقبل مكان عندو حتى خبار على دراسة بحال هذي، لا هو لا العميد ديال الكلية.

موضوعات أخرى

28/03/2024 14:00

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد