كود كازا ///

هدرة كثيرة كدور فوسائل اعلام مغربية نقلا عن مواقع اخبارية بعضها معروف باللي تابع لاجهزة استخباراتية لدول شقيقة. هاد الهدرة كتقول باللي مصطفى البكوري٬ رئيس مجلس ادارة الوكالة المغربية للطاقات المتجددة “مازن” ورئيس جهة الدار البيضاء الكبرى٬ عندو جنسية فرنسية.

وفق مصادر متطابقة ل”كود”٬ فان بعض هاد الهدرة كذوب او فايك. فالامين العام الاسبق للبام واللي تمنع من السفر الاثنين اللي فات٬ ما عندو الا الجنسية المغربية.

يعني انو ما عندوش جنسية فرنسية. كبار المسؤولين المغاربة كيكون عندهم الباسبور لحمر. هاد الباسبور هو باسبور ديبلوماسي مغربي ماشي اجنبي. طبعا فحالة البكوري اكيد عندو هاد الباسبور ولكن باش يتم قتلو معنويا خرجو ليه الباسبور.

كما روجو حاجة اخرى احطر وهي شبهة التخابر مع لالمان. طبعا هاد الشي كذوب لحد الان. اتهام بحال هادا خاص الوكيل العام يخرج فيه بيان رسمي.

اللي عارفاه “كود” رسميا لحد الان هو ان البكوري براسو مازال ما تخبر حتى بشي حاجة.

غريب ان شخصية عندها هاد المسؤوليات الحساسة جدا فالبلاد كيوقع ليها هاد الشي بلا ما يخرج حتى بيان للنيابة العامة او للشركة اللي كيرأس مجلسها توضع اش واقع