نجوى المالحي – كود //

في هاد السنوات الأخيرة الممثلة فاطمة خير غبرات على الساحة الفنية قبل ما ترجع من نافذة تقديم برنامج “لالة العروسة” على القناة الأولى.

ولكن هادي عامين اختارت تبعد من جديد وتاخذ المساحة لي خاصاها باش تحدد شنو باغة، ورجعات بعدها بدور البطولة في فيلم “الماضي لا يموت” مع الممثل رشيد الوالي وحقق نجاح كبير بزاف.

والشهر لي داز كملات فاطمة التورناج ديال الجزء الثاني من المسلسل لي غادي يدوز في القناة الأولى، وكيف سالات بدات تصوير مسلسل ثاني سميتو “ولاد العم” وبجوجهم غادين يدوزو في رمضان الجاي.

هاد العام بزاف ديال المخرجين ختارو يبداو التورناج بكري ويكملو خدمتهم على تيساع خوفا من أنهم يطيحو في نفس المشكل ديال العام لي فات بعدما تفرض الحجر وبقات الأعمال واحلة في ظل ازمة كورونا.