وكالات-كود//

السعودية بدور البراهيم لي كتقدم راسها كفاشيونيستا التخصص ديالها اللبس ولامود صدمات المتتبعين ديالها في سناب شات.

متتبعة سولاتها واش دابا مطلقة ولا مزوجة، وهي تجاوب “من نهار طلقت هادي 4 سنين جاو خطبوني غير الذكور والكلاب لي لابسين حوايج بنادم”.

ملي ناض عليها الصداع رجعات بفيديو جديد جاوبات على الانتقادات، وقالت “كلامي واضح. مكنعممش، ومكندويش على كاع رجال.. لي مقصود عارف راسو، ولي كيقول لي عيرت عمامي وخوتي، حاشا هادوك رجال ومحارم وعيب نتزوج منهم”.